വയനാട്: അവധി ദിനങ്ങളിലടക്കം അതിരൂക്ഷമായ ഗതാഗതക്കുരുക്ക് പതിവായ താമരശ്ശേരി ചുരത്തില് നാളെ ഗതാഗത തടസ്സമുണ്ടാകും.
ചുരത്തിലെ ആറ്, ഏഴ്, എട്ട് വളവുകള് വീതി കൂട്ടുന്നതിന്റെ ഭാഗമായി മുറിച്ചിട്ട കൂറ്റൻ മരങ്ങള് ലോഡ് ചെയ്യുന്നതുമായി ബന്ധപ്പെട്ടാണ് ഗതാഗതം തടയുന്നത്.
നാളെ രാവിലെ എട്ട് മണി മുതല് ചുരത്തില് ഇടവിട്ട സമയങ്ങളില് ഗതാഗതം തടസ്സപ്പെടും.വലിയ മരത്തടികള് ആയതിനാല് ഇവ ക്രെയിൻ ഉപയോഗിച്ച് ലോറിയില് കയറ്റേണ്ടതുണ്ട്.
വിമാനത്താവളം, റെയില്വേ സ്റ്റേഷൻ, പരീക്ഷകള്, മറ്റ് അത്യാവശ്യ യാത്രകള് എന്നിവയ്ക്കായി പോകുന്നവർ യാത്രാ സമയം ക്രമീകരിക്കണമെന്ന് ദേശീയ പാത അധികൃതർ അറിയിച്ചു.
Post a Comment